Echar la sidra ye una de les señes d’identidá que meyor representa a Asturies nel mundu. Esa imaxe ye un símbolu bien poderosu de la nuestra tierra, nel que nos reconocemos y pol que nos identifiquen los de fuera.
Nun da más qué países allalantrones acueyan a los nuestros homes y muyeres, nin el tiempu trescurríu nin los avatares que la vida imponga: namás cola imaxe de la sidra rompiendo contra’l cristal va venir a l’arcordanza de cualquiera de nós una mezcla de sensaciones.
Destaquen pola so implicación y sofitu a la cultura sidrera asturiana, n’Asturies y nel restu del mundu
Bien polos tos raigaños o porque conoces esta tierra y la so xente, seguro que nunca vas escaecer esa forma peculiar de dar la bienvenida y espresar amistá, col echáu del culín de sidra como protagonista. Queremos caltener esti heriedu cultural sidreru y que’l mundu lu reconoza.