¿Qué ye la Cultura Sidrera Asturiana?

Echar la sidra ye una de les señes d’identidá que meyor representa a Asturies nel mundu. Esa imaxe ye un símbolu bien poderosu de la nuestra tierra, nel que nos reconocemos y pol que nos identifiquen los de fuera.

Nun da más qué países allalantrones acueyan a los nuestros homes y muyeres, nin el tiempu trescurríu nin los avatares que la vida imponga: namás cola imaxe de la sidra rompiendo contra’l cristal va evocar en cualquiera de nós una mezcla de sensaciones y va sacar a la superficie de l’alcordanza tantes emociones asociaes a esi ritual.

Porque, efectivamente, les espiches tienen el so sabor, el so golor, los sos cantares, pero, sobre manera, suponen una celebración prestosa del grupu, de l’amistá y de la vida mesma.

Alredor d’esta bébora igüemos un paisaxe cultural propiu, un vivir y sentir Asturies qu’imprime calter y que nos estrema.

Sabedores de l’ayalga que supón la cultura sidrera, queremos que’l mundu conoza y reconoza los vínculos d’amistá universal que guarda la bébora emblemático d’Asturies, ensin dar más el sitiu o’l momentu. Por eso, queremos que forme parte de la Llista del Patrimoniu Mundial Inmaterial de la UNESCO.

ASTURIES COLA CULTURA SIDRERA

¡Dí-ylo al mundu!

YO TAMIÉN SOFITO LA CANDIDATURA

A títulu personal o de forma colectiva, el to sofitu ye decisivu. ¡Agora ye’l momentu!

Que’l to mensaxe llegue a la UNESCO

• Cunta coles tos propies palabres qué t’evoca la sidra y qué te suxer esta cultura sidrera, tan plural y rica.

• Tienes qu’indicar espresamente’l to sofitu a la candidatura. Exemplu: “Sofito la candidatura de la cultura sidrera asturiana a la Llista del Patrimoniu Cultural Inmaterial de la Humanidá (UNESCO… porque los meyores momentos son alcordances de romeríes, amigos y sidra”

¿Qué ye la Cultura Sidrera Asturiana?

El to sofitu ye decisivu.¡Vamos a por ello! Que’l to mensaxellegue a la UNESCO

El to sofitu ye decisivu.
¡Vamos a por ello! Que’l to mensaxe
llegue a la UNESCO